في عام 1744م اعتدي الاحباش علي السلطنة الزرقاء
اول دولة سودانية منظمة فانبري لهم فارس العبدلاب
الامين ود مسمار واشتبك معهم في معارك عديدة ودحرهم …..
فخلدت شاعرة العبدلاب / رابحة بت ناصر انتصار البطل الامين ود مسمار علي الاحباش بقصيدة رائعة تقول فيها :
اللي بابي لي العوبه يا نديمه
اللي بابي لي العوبه هيا ديبا
الليلة الاسد جاي من جبال الكر
بتشمشم بكوس بسأل عن العنتر
وكت الشوف بشوف حاجبو اليمين ينصر
سموك ميتة الفجعة ونهار الحر
الليلة الأسد جاي من جبال الفيل
بتشمشم بكوس بسأل عن العنتيل
يارحل الكحل الديمة وزنو تقيل
ياجدري الشمومة الزول تشقو عديل
الليلة النجم طرف السما هدمو
الجرى نسيبتو والبقيف سجمو
الصف التقيل شيخ الامين رجمو
عزرائيل سلام الله وغشى غنمو
الليل اتلت ومرقن تلاتة نجوم
اتنين في الشرق والتالتة في الخرطوم
بتكلم عليك يا ولدة الرحمن
ماكبر السنط ماتك بي محجان
ما اتدلى الجروف ما لقط الاقطان
حقبولو الجفير الفي الجفير قرمان
شدولو البلاوي في اللجام هويان
بتكلم عليك ياخدرة البوسيب
جيبي القول علي الحاشا مو كوشيب
خيولو معبدات للكسب والجيب
ان وقع القدر مابنفع الجقليب
غني وشكريهو الليلة يا أمونة
عجل الهوسكي الساحتو مأمونة
المحرات تكسرو والتانية مدفونة
قول للمرفعيب خلولك الرمم شونه
غني وشكريهو الليلة يا عشه
ما اتفخر على توب اللباس فشه
وما اتقنع على الجار القريب خشه
وكت الشوف بشوف جوادو جات طاشه
دفاع للطرز سيدي برتع الطاشه ……….
