(لا شراكة ولا تفاوض ولا شرعية)
استمعت الي لايف يتحدث فيه شاب واع جدا من لجان المقاومة( مستقل) يخاطب اعتصام الجودة ((قال في ذلك اللايف. لا شراكة ولا تفاوض ولا شرعية دايرين كدايس في الاحزاب تسقط الحكومة
ليه لجان المقاومة غالبها تقول قرار تعمل ميثاق داخلي للجان المقاومة تكون من المستقلين
لماذا هذا القرار صعب لان الكدايس حايمه في اللجان ومافي شخص قادر يفتح الجرح ويقول الكلام دا
الولد عثمان قال كلام ان الحزب الشيوعي مضر باللجان ركبوا حتي قفل صفحته
الولد الذي قعد مع العساكر قفلوا صفحته
لا تفاوض ولا شرعية ولا شراكة دا خطاب برفعوه النخب عشان يجيبوهم راجعين الي السلطة
نحن بعد الانقلاب في٢٥ اكتوبر ماشينا لوالد الشهيد عبدالرحمن الصادق سبت ربنا يرحمه
قال لنا كلام مهم جدا قال خطاب لا شراكة ولا تفاوض ولا شرعية مايخونوكم به
ابو الشهيد قال هو ذاته خونوه به وقالوا له انت بعت دم ولدك
اي زول يقول نحن دايرين نلبس كرفاتنا ونقول كفاية احزاب
نحن دايرين نتخذ قراراتنا ونستلم حكومتنا حيقولوا له بعت دم الشهداء
دايرين يسوقوا اللجان يموتوا ماية وورائهم مائة ووراهم مايتين حتي يجيبوا الحرية والتغيير ثاني دا الكلام الذي قاله ابو الشهيد
قال ديل ما دايرنكم تمشوا تفاوضوا ديل دايرين يمشوا يجيبوهم راجعين
اي زول يقول لجان المقاومة عملت لها لجنة ماشه تستلم الحكومة حيقولوا له انت بعت دم الشهداء لكن هم يمشوا يقعدوا
الحزب الشيوعي كذابين الحزب الشيوعي قعد مع الكيزان في ٢٠٠٥م في نيفاشا والحرية والتغيير قعدت وحيقعدوا سياسة الناس بتقعد
دي ما حبيبتي وحبيبتك اشاكلت معها ثاني ما بقعد
دي سياسة انا بمشي بقدم مطالبي واحد اثنين ثلاثة
مافي حاجة اسمها لا تفاوض دي سياسة حيقعدوا
يسوقوا اللجان يموتوا ماية وثاني مايه وحيقعدوا يتفاوضوا ولو ما قعدوا ثاني نحن بنكون بنعرف سياسة يعني غير يقعدوا ويتفاوضوا حيعملوا شنو السيناريو الهم في راسهم
يعني حيجي عسكري مغامر ويشيل الجنجويد ويبيدهم ويحتهم ويشيل البرهان والكباشي والمكون العسكري الي السجن ويجي يقول لهم هاكم منو هم الذين يقولوا لهم هاكم
الحرية والتغيير ثاني يقولوا لهم هاكوا ولا لجان المقاومة وهي ما عندها لجنة عشان يقولوا لها هاكي خلي لجان المقاومة تكون لها لجنة عشان يقولوا لها هاكي
نحن اللجان خليها تنظف روحها وتتوحد تمشي تشتغل سياسة ما يعقدوا يغشونا ما يخلونا نحن نعتصم
كل الناس الرافعين الخطاب الجذري قاعدين بعيد خارج الصندوق ناس الردة مستحيلة قاعدين وراء
الشباب الذين يتعوقوا وهم يضربوهم في الجمارك ويصندوقوا هم الشباب عشان كدا لازم اللجان تنظم انفسنا ونمشي نستلم حكومتنا ونشتغل سياسة ))
هذا هو ما قاله ذاك الشاب في مخاطبته الي اعتصام الجودة
وعليه اعتقد:-
١/ان شباب لجان المقاومة من المستقلين بدا الوعي يدب وسطهم
٢/هم شباب وطنيين ولديهم قضية
٣/ينقصهم التنظيم ووجود جسم واحد يقودهم لانه كما قال كدايس الاحزاب تعمل في داخلهم حتي لا يتكون ذلك الجسم
٤/ هم اقتنعوا ان شعار لا شرعية ولا تفاوض ولا شراكة ترفعه قحت لاعادتها الي السلطة وكل من يتحدث غير ذلك يخون بما في ذلك اباء واسر الشهداء
٥/لجان المقاومة التي تتكون من الشباب الذين يستشهدوا ويجرحوا ويقودوا المظاهرات وهم المستقلين يخونوا حال طلبوا السلطة بل عارفين ان الحزب الشيوعي وقحت قد شاركوا الانقاذ
٦/ الكدايس من الاحزاب داخل لجان المقاومة شغالين في ان لا يتفق المستقلين ليكونوا لجنة واحدة لقيادتهم وتنظيمهم
٧/الحرية والتغيير المركزي والحزب الشيوعي ضاربين طوق شديد علي هذه اللجان المستقلة وحصار شديد وتخوين كل من يخرج عن هذا الطوق بل عاملين تعتيم شديد عليهم
٨/ اعتقد ان لجان المقاومة المستقلين وطنيين وهم يجب الوقوف معهم لتنظيمهم بل يجب يشركوا في اي حكومة مشاركة حقيقية ويمكن ان يكونوا هم الكفاءات الغير حزبية التي تسلم السلطة التنفيذية لانه ضحوا في سبيل التغيير وهدفهم السودان واجندتهم وطنهم
٩/اعتقد مطلوب من الالية الثلاثية والمكون العسكري البحث عن لجان المقاومة المستقلة واشراكها في السلطة
والتفاوض معها
١٠/اعتقد كل القوي السياسية الوطنية يجب ان تبحث عن لجان المقاومة من المستقلين والوقوف معهم لاستلام السلطة
وانا شخصيا سوف اسعي للجان المقاومة من المستقلين واقف معهم لاستلام السلطة في الفترة الانتقالية لانهم يستحقون ذلك بتضحياتهم الدور الكبير الذي قاموا به
ملاحظة اخيرة اعتقد ان الوعي دب في صفوف لجان المقاومة وادركوا كذب واستهبال استغلال الحرية والتغيير المركزي والحزب الشيوعي لهم للعودة للسلطة بدمائهم
وهذا الموقف يتطلب الموازة والمساندة والوقوف معهم وواضح ان قضية الوطن يمكن حلها عبرهم لانهم كانوا وقودا للحرية والتغيير والحزب الشيوعي جاء دورهم ليكونوا قادة فاعلين في الحل الوطني واستقرار الفترة الانتقالية
تحياتي
