*بين القرير وكسلا محطات للتأمل ماذا أضافت لخالد شقوري الشاعر*
منحتنى حب الوطن الكبير من خلال التنقل والانصهار في مجتمعات مختلفة ثقافيا وملتحمة وجدانيا .. ومنحتنى تنوع الحرف والنبض الشعري.
الشاعر حسن الدابي رمزيه اغنيه الطنبور وحقيبه فنه
ماذا يقول خالد حول هذا الرمز التاريخي.
بنقول أبونا حسن الدابي ..رجل بسيط وعظيم وانسان .. ومؤسس لمدرسة فن الطنبور المستندة على الاصل ومرتبطة بالحداثة .. وكان مثقفا ثقافة فطرية .. وداعما لكل اجيال المبدعين.
*أين تقف اغنيه الطمنبور اليوم وهل ممكن ان تشكل اضافه اخري في المستقبل؟*
اغنية الطنبور اصبحت اغنية قومية الان بدليل ان الكثير من فنانيها ارتبطوا بشعراء من خارج منطقتها الجغرافية وانضم ايقاع الدليب الى ايقاعات الاغنية الحديثة .. والمستقبل لها.
*يقولون اغنيه الطمبور والشعر الشايقي يمثل لونيه محدده لمنطقه جغرافيه محدده غير قابله للانتشار*
قول مردود .. بدليل ان وردي ومصطفى سيد احمد ..كمثال.. قد شكل الشعر الشايقى نسبة كبيرة من اغنياتهم .. ثم ان اغنية الطنبور الان تسمع في كل مناطق السودان وحتى في جوبا وواو.
*الجيل الجديد من فناني الطنبور لم يضيفو جديد ولازالو علي نهج من سبقوهم تتفق ام تختلف*
لا اتفق .. وقد اسهم هذا الجيل في نشر اغنية الطنبور بشكل كبير ..وقد احدثوا تحول في نمط الكلمة واللحن واعيب علي بعضهم تكرار الالحان والافكار.
*نود ان نتعرف مع من تعامل شعوري فنيا من المغنيين*
نود ان نتعرف مع من تعامل شعوري فنيا من المغنيين.
*اغنيه ام الحسن التي تغني بها النصري تعتبر اهم* *محطات شعوري ووجدت اهتمام وتفاعل غير مسبوق*
*تفكر لماذا دون غيرها؟*
بساطة الكلمة وموضوعها الذي لامس وجدان الناس بالاضافة لبراعة النصري في اللحن والأداء.
*ماهو جديد شعورك للوطن وهو يعيش جراحات الحرب؟*
الكثير من الاعمال ولكن لظروف الحرب ايضا لم ترى النور وبعضها خرج باصوات بعض فناني الغناء الحديث ومنها يادروب .. ومقادرير يازمن واحكام وبلد الخير.
*متي يتوقف عطاء الشاعر وكيف*
عندما يتوقف نبضه.
*ماهو جديد شعوري للوطن وهو يعيش جراحات الحرب*
عرس الصمود
نحن زي مابنحزن سوا
بكرة نرجع نفرح سوا
ونرسم الافراح كرنفال
بالرصيف او شارع الهوا
*****
ياما كلنا ضقنا الحَزَن
ومافي زول مادفع التمن
الا ساعة الهم الكبير
الهموم كلها إتنسن
داير اقول بالحرف المبين
للبيتجابدو في الرسن
الحرب ..ماحالة خلاف!
الحرب قامت ضد وطن!
والعلاج في ايدنا واثقين
ليه نكوس من بره الدوا
****
لما يرحل زمن الحرب
وصوتنا يهزم صوت الضرب
الامان يملانا ويفيض
لا سلب لا جور.. لاغصب
يلا نرجع نملا البيوت
وبرضو يلحقنا المغترب
نصحى قبل الطير الصباح
روحنا بالاذان تنطرب
والحصل في حق الوطن
يبقى ذكرى وهم انطوى
*****
بكرة يا خرطوم الصمود
الأمان لي ناسك يعود
جيشنا واحد وحيلو مسنود
والصغار شايلين الورود
الخِرب بيعمرو الحب
واللضاع بيرجعو الجود
وماحننسى الشهداء الكرام
ولا بننسى الشُم الاسود
في الجنينة وكل الربوع
تفرح الانهار والرهود
والجزيرة تلاقي الصباح
بالسماح الفيها موجود
وتاني بالخير العندنا
مافي زول حيبيت القوا.
